Տեղի ունեցել Հայաստանի բասկետբոլի ֆեդերացիայի արտահերթ ժողովը, որի ընթացքում ընտրվել է նոր նախագահ:
Նախագահի միակ թեկնածուն եղել է ՀԲՖ գլխավոր քարտուղար Արթուր Նազարյանը, որը բաց քվեարկությամբ միաձայն ընտրվել է նախագահի պաշտոնում: Քվեարկությանը մասնակցել են ֆեդերացիայի 34 պատվիրակներից 33-ը: Արթուր Նազարյանը փոխարինեց ՀԱՕԿ գլխավոր քարտուղար և 20 տարի ՀԲՖ նախագահի պաշտոնը զբաղեցրած Հրաչյա Ռոստոմյանին:
Առաջիկա անելիքների ցանկում Արթուր Նազարյանը նշել է պետության հետ գործակցության ամրապնդումը, Սփյուռքի հետ կապերը խորացնելու և ավելի բազմաշերտ դարձնելու պլանները, Հայաստանի տարբեր տարիքային հավաքականների հետ կապված նպատակները, պատանեկան բասկետբոլի և կանոնավոր առաջնությունների բարելավումը, նաև բասկետբոլի Ա լիգայի զարգացումը:
Արթուր Նազարյանը երկար տարիներ զբաղեցրել է Հայաստանի բասկետբոլի ֆեդերացիայի գլխավոր քարտուղարի պաշտոնը՝ համակարգելով կազմակերպչական, միջազգային և զարգացման ծրագրերը։
