5 մլն դրամի դիմաց օգնել են սպանություն գործել․ 2 ոստիկաններ կալանավորվել են
18-07-2026 17:07 Հայաստան Իրավունք
3 տարի առաջ տեղի ունեցած սպանության գործով երկու ոստիկաններ ձերբակալվել են։
ՔԿ-ի փոխանցմամբ՝ 2023 թվականի օգոստոսի 7-ից քննվող քրեական վարույթի շրջանակում իրականացված մեծածավալ քննչական և վարութային գործողությունների արդյունքում պարզվել է, որ ՀՀ ՆԳՆ ոստիկանության ծառայողներ Ա․Ս․-ն և Ա․Գ․-ն, շահադիտական նպատակով, օգտագործելով իրենց ծառայողական լիազորությունները, օժանդակել են սպանությանն ու սպանության փորձին։
Ըստ քննության՝ ոստիկանները նախապես խոստացված 5 մլն դրամ գումարի դիմաց պարզել են տուժող Ա․Հ․-ի գտնվելու վայրը և այն հայտնել սպանության մեջ մեղադրվող Ա․Ս․-ին։
ՔԿ-ի տվյալներով՝ նրանք նաև մեղադրյալի և ինքնությունը չպարզված անձանց հետ միասին մասնակցել են տուժողներին հետապնդելու ընթացքում խոչընդոտների վերացմանը։
Դեպքը տեղի էր ունեցել Երևանում՝ Մալաթիա-Սեբաստիա վարչական շրջանի Ռոմանոս Մելիքյան փակուղում։ Քննության տվյալներով՝ մեղադրյալ Ա․Ս․-ն կրակոցներ էր արձակել, ինչի հետևանքով Ար․Հ․-ն մահացել էր, իսկ նրա եղբայրը՝ Ա․Հ․-ն, ստացել էր կյանքի համար վտանգավոր վնասվածքներ։
2 ոստիկանների նկատմամբ հանրային քրեական հետապնդում է հարուցվել՝ մի խումբ անձանց կողմից, շահադիտական դրդումներով, այլ անձանց կյանքի համար վտանգավոր եղանակով սպանությանն օժանդակելու հոդվածով։
Ա․Ս․-ն և Ա․Գ․-ն ձերբակալվել են՝ դատարան ներկայացնելու համար։
Քննչական կոմիտեն շարունակում է պարզել գործի բոլոր հանգամանքները։
Warning: include_once(pages/inc_sidebar_livestream_youtube.php): Failed to open stream: No such file or directory in /home/u247475421/domains/poll.nt.am/public_html/pages/page_news_new.php on line 244
Warning: include_once(): Failed opening 'pages/inc_sidebar_livestream_youtube.php' for inclusion (include_path='.:/opt/alt/php83/usr/share/pear:/opt/alt/php83/usr/share/php:/usr/share/pear:/usr/share/php') in /home/u247475421/domains/poll.nt.am/public_html/pages/page_news_new.php on line 244
ՀԱՅԵՐԵՆ
