Կառավարությունը հաստատեց ՀՀ-ի ու ԱՄՆ-ի միջև ԹՐԻՓՓ-ի վավերացման գործընթացը. որոշումը կուղարկվի ՍԴ
16-07-2026 11:50 Հայաստան Քաղաքականություն
Մեկնարկում է ՀՀ-ի և ԱՄՆ-ի միջև TRIPP նախագծի շուրջ ռազմավարական համագործակցության մասին շրջանակային համաձայնագիրը վավերացնելու գործընթացը։ Այս մասին այսօր կառավարության նիստի ընթացքում հայտնեց ԱԳ նախարար Արարատ Միրզոյանը՝ ներկայացնելով համապատասխան որոշման նախագիծ: Որոշման ընդունմամբ նախագիծը սահմանված կարգով կուղարկվի ՍԴ:
«Սահմանադրական դատարանի կողմից նշված միջազգային պայմանագրում ՀՀ սահմանադրությանը չհակասող դրույթներ արձանագրելու որոշման պարագայում սահմանված կարգով քննարկումը կտեղափոխենք ԱԺ»,-նշեց Միրզոյանը:
Համաձայնագրով ՀՀ-ն ու ԱՄՆ-ն հիմնադրում են ԹՐԻՓՓ զարգացման ընկերությունը: Այն կստանա հողօգտագործման, կառուցապատման իրավունք, այս իրավունքը կգործի նախնական 49 տարով։
Բաժնեմասերը կբաշխվեն հետևյալ կերպ՝ ԱՄՆ-ին կպատկանի 74%-ը, ՀՀ-ին՝ 26%-ը։
«Այս նախնական ժամկետի՝ 49 տարին լրանալուց հետո հնարավորություն կա կողմերի համաձայնությամբ երկարացնել համաձայնությունն ու ժամկետը ևս 50 տարով, և այս դեպքում կապահովվի, որ ՀՀ-ն ունենա ընկերության բաժնեմասերի 49%-ը»,-ասաց Միրզոյանը:
Միրզոյանի խոսքով՝ ՀՀ-ն իր ներպետական օրենսդրությամբ, միջազգային համաձայնագրերին համահունչ, կշարունակի պատասխանատու լինել հետևյալի համար՝
Անվտանգություն և իրավապահ գործունեություն,
Սահմանային վերահսկողություն ու սահմանային անվտանգություն,
Մաքսային և միգրացիոն վերահսկողություն,
Հարկերի ու տուրքերի փոխանցում պետբյուջե և պետական տեղեկատվական համակարգերի գործարկում,
Պետական վարչական գործառույթներ և վերահսկողություն:
Warning: include_once(pages/inc_sidebar_livestream_youtube.php): Failed to open stream: No such file or directory in /home/u247475421/domains/poll.nt.am/public_html/pages/page_news_new.php on line 244
Warning: include_once(): Failed opening 'pages/inc_sidebar_livestream_youtube.php' for inclusion (include_path='.:/opt/alt/php83/usr/share/pear:/opt/alt/php83/usr/share/php:/usr/share/pear:/usr/share/php') in /home/u247475421/domains/poll.nt.am/public_html/pages/page_news_new.php on line 244
ՀԱՅԵՐԵՆ
