Ադրբեջանը և Հայաստանը մեկ տարվա ընթացքում կարևոր և վճռական քայլեր են ձեռնարկել, որպեսզի խաղաղությունը շոշափելի իրականություն դարձնեն երկու երկրների ժողովուրդների համար․ Ֆրանսիայի ԱԳՆ մամուլի քարտուղար
Ադրբեջանը և Հայաստանը մեկ տարվա ընթացքում կարևոր և վճռական քայլեր են ձեռնարկել, որպեսզի խաղաղությունը շոշափելի իրականություն դարձնեն երկու երկրների ժողովուրդների համար․ Ֆրանսիայի ԱԳՆ մամուլի քարտուղար
08-08-2026 15:00 Քաղաքականություն
tert.am Ադրբեջանը և Հայաստանը մեկ տարվա ընթացքում կարևոր և վճռական քայլեր են ձեռնարկել, որպեսզի խաղաղությունը շոշափելի իրականություն դարձնեն երկու երկրների ժողովուրդների համար։ Այս մասին ասվում է Ֆրանսիայի ԱԳՆ մամուլի քարտուղար Պասկալ Կոնֆավրյոյի հայտարարության մեջ՝ 2025 թվականի օգոստոսի 8-ին տեղի ունեցած Վաշինգտոնի գագաթնաժողովի տարելիցի առթիվ։
«2026 թվականի օգոստոսի 8-ին նշվում է Հայաստանի և Ադրբեջանի միջև հարաբերությունների կարգավորմանն ուղղված պատմական համաձայնագրի առաջին տարելիցը։ Անցած տարվա ընթացքում երկու երկրների իշխանությունները կարևոր և խիզախ քայլեր են ձեռնարկել, որպեսզի խաղաղությունը շոշափելի իրականություն դարձնեն իրենց ժողովուրդների համար», - ասվում է հաղորդագրության մեջ։
Նրա խոսքով՝ Ֆրանսիան ակնկալում է, որ այս գործընթացը կշարունակվի Հայաստանի և Ադրբեջանի միջև խաղաղության պայմանագրի ստորագրմամբ ու վավերացմամբ, սահմանների բացմամբ և տարածաշրջանային տրանսպորտային կապակցվածության զարգացմամբ, որպեսզի Հարավային Կովկասը վերստին դառնա լիարժեք համագործակցության տարածք և կապող օղակ Եվրոպայի ու Ասիայի միջև։
Նա հավելել է, որ Ֆրանսիան իր եվրոպացի գործընկերների հետ միասին կշարունակի ակտիվորեն աջակցել այս գործընթացին՝ Հայաստանի և Ադրբեջանի ինքնիշխանության ու տարածքային ամբողջականության լիակատար հարգմամբ։
