Շրջակա միջավայրի նախարարությունն ուսումնական ծրագրի շրջանակում հյուրընկալել էր Երևանի հ․ 140 հիմնական դպրոցի աշակերտներին
24-07-2026 13:11 Հայաստան Մամլո հաղորդագրություն
Շրջակա միջավայրի նախարարությունն ուսումնական ծրագրով նախատեսված նախագծային աշխատանքի շրջանակում հյուրընկալել էր Երևանի հ․ 140 հիմնական դպրոցի աշակերտներին։
«Դպրոցը մասնակցում է «Սմարթ-էկրաններ աշխարհացույցի դպրոցներին» խորագիրը կրող մրցույթին, որի շրջանակում դպրոցականները կատարում են հետազոտական աշխատանք՝ «Քարտեզագրելով Հայաստանի բնության ապագան․ Հատիս սարի բարձրլեռնային դեղաբույսերի պահպանության և էթնոբրենդինգի մոդելի մշակումը՝ կլիմայի փոփոխության և անտրոպոգեն գործոնների պայմաններում» (Կոտայքի մարզի օրինակով) թեմայով։
Ծրագիրն իրականացնում են դպրոցի աշակերտները՝ ուսուցիչների աջակցությամբ։ Նախագծի նպատակն է ուսումնասիրել Հատիս սարի բարձրլեռնային դեղաբույսերի ներկայիս վիճակը, գնահատել կլիմայի փոփոխության և մարդկային գործոնի ազդեցությունը՝ առաջարկելով գիտական մոտեցումներ և հիմնավորված լուծումներ, ինչպես նաև դպրոցականների շրջանում բարձրացնել բնապահպանական գիտակցությունը, խթանել հետազոտական մտածողությունը և ձևավորել ակտիվ մասնակցություն շրջակա միջավայրի պահպանության հարցերում։
Հանդիպում-քննարկմանը մասնակցել են նախարարության համապատասխան ստորաբաժանումների մասնագետները, որոնք աշակերտներին ներկայացրել են էկոհամակարգերի, իրականացվող ծրագրերի, դեղաբույսերի պահպանման, դրանց ճիշտ հավաքման եղանակների և հանրային իրազեկվածության բարձրացմանն ուղղված աշխատանքները, ինչպես նաև պատասխանել դպրոցականների բազմաթիվ հարցերին»:
Warning: include_once(pages/inc_sidebar_livestream_youtube.php): Failed to open stream: No such file or directory in /home/u247475421/domains/poll.nt.am/public_html/pages/page_news_new.php on line 244
Warning: include_once(): Failed opening 'pages/inc_sidebar_livestream_youtube.php' for inclusion (include_path='.:/opt/alt/php83/usr/share/pear:/opt/alt/php83/usr/share/php:/usr/share/pear:/usr/share/php') in /home/u247475421/domains/poll.nt.am/public_html/pages/page_news_new.php on line 244
ՀԱՅԵՐԵՆ
