«Ռոսավիացիան» սահմանափակել է թռիչքների բարձրությունը Մոսկվայի օդանավակայանների շրջանում ԱԹՍ-ների հարձակման պատճառով
22-07-2026 14:12 Ռուսաստան Ի՞նչ է գրում մամուլը
azatutyun.am «Ռոսավիացիան» Մոսկվայի օդանավակայանների շրջանում քաղաքացիական օդանավերի թռիչքների առավելագույն բարձրությունը 8550 մետրից նվազեցրել է մինչև 4900 մետր։ Բացի այդ, արգելվել են տարանցիկ թռիչքները։
Այս մասին ծանուցումը «Կոմերսանտ»-ը հայտնաբերել է Ավիանավիգացիոն տեղեկատվության կենտրոնի տեղեկագրում։
Սահմանափակումները գործում են Մոսկվայի միացյալ դիսպետչերական շրջանի սահմաններում, որի մեջ մտնում են Շերեմետևո, Վնուկովո և Դոմոդեդովո օդանավակայանները։
«Կոմերսանտ»-ի աղբյուրների փոխանցմամբ՝ սահմանափակումները սահմանվել են Պաշտպանության նախարարության նախաձեռնությամբ՝ անօդաչու թռչող սարքերի հարձակումների հաճախակիացման պատճառով։
«Ռոսավիացիան» հաստատել է փոփոխությունները՝ հավելելով, որ դրանք գործելու են հուլիսի 11-ից մինչև օգոստոսի 12-ը։ «Միջոցներն ընդունվել են թռիչքների անվտանգությունն ապահովելու նպատակով», նշել են գերատեսչությունում։
«Կոմերսանտ»-ի որոշ աղբյուրներ չեն բացառել, որ այս սահմանափակումները կարող են պահպանվել մինչև պատերազմի ավարտը և տարածվել նաև այլ տարածաշրջանների վրա։
Թռիչքների առավելագույն բարձրության նվազեցումը թույլ կտա օդանավերին արագացված կարգով վայրէջք կատարել մոտակա օդանավակայանում, սակայն կավելանան վառելիքի ծախսը և թռիչքի տևողությունը։
«Կոմերսանտ»-ի զրուցակիցները նաև կարծում են, որ թույլատրելի թռիչքային բարձրության նվազեցումը մեծացնում է թռչունների հետ բախման վտանգը։
Warning: include_once(pages/inc_sidebar_livestream_youtube.php): Failed to open stream: No such file or directory in /home/u247475421/domains/poll.nt.am/public_html/pages/page_news_new.php on line 244
Warning: include_once(): Failed opening 'pages/inc_sidebar_livestream_youtube.php' for inclusion (include_path='.:/opt/alt/php83/usr/share/pear:/opt/alt/php83/usr/share/php:/usr/share/pear:/usr/share/php') in /home/u247475421/domains/poll.nt.am/public_html/pages/page_news_new.php on line 244
ՀԱՅԵՐԵՆ
